最喜歡瑜伽式子 – 大休息

每次同大家講起自己最喜歡嘅瑜伽式子時,大家都會古惑地笑笑口咁答:大休息

其實小編亦是,哈哈……

到底課堂後大休息同係屋企瞓覺有咩分別呢?都係將個身體平訓係到,點解屋企張床好似有蟻咬咁,碌黎碌去都訓唔著或訓得唔好?點先可以係屋企訓到大休息嘅層次?

大家可能係辛苦工作咗一日或者將生活煩惱事放低,除咗俾自己做上一個瑜伽課,運動同時俾腦袋放空一下(小編絶對係放空MODE練習),無論係汗流滿面嘅流動瑜伽課堂、定係用心用力地將自己崩緊嘅位置慢慢打開嘅伸展課堂,當係一個小時裡能夠全心地將你嘅覺知回到自己身體裡,感受到自己嘅當下,再終於去到了休息時間,係最能夠平靜地同自己相處嘅時刻,身體會將你需要嘅給你,如果你平常休息不足真係可能會訓著咗,有啲同學可能感覺自己無訓著,只處於一個非常平靜寂靜嘅世界,呢個時候係你嘅腦袋在休息,你嘅意識回到自己嘅身體同心靈裡,如果你係呢個狀態,就靜靜地停留。 亦有時候腦袋仲係有一啲事情畫面出現,若你突然驚覺自己心有雜念時,唔好去批評自己,先試下慢慢地深呼吸,當你再次好似練習時,將呼吸同身體連繫,可能會再次感受到安穩,練習瑜伽最終想令到心身合一,呢個時候就係最好去感受嘅一個時段。

yinyoga

講到提升睡眠質素,可以試下以下方法,當你訓落床,仲有好多雜念跟住你唔想俾你休息訓覺時,可以先離開張床,去梳化或較令你放輕鬆既地方,坐低先閉目靜心休息一下,當感覺自在輕鬆後開始專心在呼吸練習,唔需要大力吸或呼,嘗試將呼吸深長,太用力嘅呼吸反而會太壓逼自己,幻想每一下呼氣時同時將今日嘅情緒或事情釋放出來,持續5-10分鐘就可以(可以更長嘅時間)當你感覺放鬆後可慢慢返到床上訓覺,記得唔好再睇電話啊。

3105-scaled

睇完今晚就試下,話我知有冇幫助提升睡眠質素。

<<Whatsapp查詢請點>>

#blogger #yogabloggerhk #yoga #shareyogaforeveryone #yogahk #letspractice #yogaclubhk #savasana #queenieyoga #sleepwell #relax #瑜心舍 #瑜心舍小分享 #瑜伽班 #瑜伽課程 #瑜伽堂 #流動瑜伽 #陰瑜伽 #大休息 #瑜伽 #改善睡眠質量 #呼吸的力量 #安穩心神 #香港瑜伽 #九龍瑜伽 #新界瑜伽 #改善塞背 #改善腰痛 #改善身形  #瑜伽導師課程